5 - ვარსკვლავიანი სასტუმრო Sheraton-ი, რომელიც თბილისში 3 წლის წინ დაიხურა, სექტემბერში განახლებული სახით გაიხსნება. საქართველოს ეკონომიკის მინისტრმა, დიმიტრი ქუმსიშვილმა ამის შესახებ რას-ალ-ხაიმას საამიროს ამირთან, შეიხ საუდ იბნ საკრ ალ-კასიმთან დუბაიში გამართულ შეხვედრზე ისაუბრა. მინისტრის განცხადებით, სასტუმროს რენოვაცია საერთო ჯამში, 51 მილიონი დოლარი დაჯდება, გასართობი ცენტრის მიმართულებით კი დამატებით 9 მილიონი დოლარის ინვესტიცია განხორციელდება. რას-ალ-ხაიმას საინვესტიციო სააგენტოს (RAKIA) მიმდინარე პროექტების მოცულობა 220 მილიონ დოლარზე მეტია.
რას-ალ-ხაიმა, RAKIA-ს მეშვეობით, საქართველოს ეკონომიკის ერთ-ერთი მსხვილი ინვესტორია. მას ქვეყანაში $400 მილიონის ინვესტიცია აქვს განხორციელებული.