2015 წლის საქართველოს უძრავი ქონების ბაზრის კვლევა
Colliers International Georgia საქართველოს ეკონომიკისა და მდგრადი განვითარების სამინისტროსა და თბილისის მერიის მუნიციპალიტეტის დაკვეთით მუშაობს საქართველოს 2015 წლის უძრავი ქონების ბაზრის განახლებულ კვლევაზე. კვლევის მომზადებაში ერთობლივად არიან ჩართული Colliers International-ის საქართველოს ოფისის კვლევის დეპარტამენტი და ბრიტანეთის კვლევისა და პროგნოზირების დეპარტამენტის ხელმძღვანელი მარკ ჩარლტონი. 2015 წლის ბაზრის კვლევა მოიცავს უზრავი ქონების 6 ძირითად სექტორს (სასტუმროები, საცხოვრებელი, სავაჭრო ფართები, ოფისები, საწყობები და გასართობი კომპლექსები) და 21 სხვადასხვა ლოკაციას. კვლევაში მიმოხილული იქნება თითოეული სექტორის მოთხოვნა-მიწოდება, ფასები, ბოლოდროინდელი ტენდენციები და სამომავლო პროექტები. მომზადებული ანგარიშების შედეგად შესაძლებელი იქნება საქართველოს მაჩვენებლების შედარება ევროპის ქვეყნებთან.
