საქართველოს წამყვანმა სამშენებლო დეველოპერმა “ალიანს ჯგუფმა” მორიგი საერთაშორისო აღიარება მოიპოვა. 23-24 ნოემბერს კიევში გამართულ EEA Real Estate Awards-ზე, რომელიც ყოველწლიურად აღმოსავლეთ ევროპისა და აზიის ქვეყნების საუკეთესო დეველოპერულ და სამშენებლო პროექტებს ავლენს, კომპანიამ ღონისძიების ორგანიზატორებისგან სპეციალურ ჯილდო მიიღო.
“ალიანს ჯგუფი” ბათუმში 41-სართულიან მულტიფუნქციურ კომპლექს “ალიანს პალასს” აშენებს, რომლის პირველ 6 სართულზე საერთაშორისო სასტუმრო ბრენდი Courtyard by Marriott-ი განთავსდება, დანარჩენ სართულებს კი პრემიუმ კლასის აპარტამენტები დაიკავებს . კომპლექსი 2018 წელს დასრულდება, სასტუმრო Courtyard by Marriott-ი “ალიანს პალასში” 2019 წელს გაიხსნება.
"ალიანს პალასის" აპარტამენტების მფლობელებს შესაძლებლობა ეძლევათ საკუთარი ინვესტიციიდან დამატებითი სარგებელი მიიღონ - შეძენილი აპარტამენტი თავადვე გააქირავონ ან გადააბარონ ის აპარტამენტების საერთაშორისო მართვის კომპანიას.
