Property Georgia EXCLUSIVE
უძრავი ქონების სერვისების კომპანიის მიერ მომზადებული ანგარიშის თანამხმად, თბილისში Airbnb-ზე განცხადებების რაოდენობა 2017 წელს საგრძნობლად, 70%-ით, გაიზარდა და 9,679 შეადგინა. თბილისის Airbnb-ის საშუალო დღიური განაკვეთი 43 აშშ დოლარია.
2017 წელს Airbnb-ზე ჯამური განცხადებების 50% დაიდო მასპინძლების მიერ, რომელთაც მხოლოდ ერთი ქონება აქვთ წარმოდგენილი, ხოლო განცხადებების 32% განთავსდა მფლობელების მიერ, რომლებსაც ორზე მეტი შეთავაზება აქვთ. 2017 წელს, მასპინძლების 10%-ს ჰქონდა ორზე მეტი შეთავაზება, რაც, შესაძლოა, Airbnb-ის პლატფორმის პროფესიული მიზნებით გამოყენებაზე მიუთითებდეს.
Airbnb-ის მომხმარებლებში ყველაზე დიდი პოპულარობით შემდეგი უბნები სარგებლობდა: მთაწმინდა, საბურთალო და ჩუღურეთი. დაჯავშნილი დღეების 78% ამ უბნებზე მოდის.
„ჩვენი მოლოდინია, რომ მომდევნო წლებში Airbnb-ზე განცხადებების რაოდენობა მოიმატებს, რაც კიდევ უფრო გაზრდის კონკურენციას სასტუმროების ბაზარზე“- აცხადებს Colliers International Georgia-ს კვლევის ანალიტიკოსი ნინო მაკასარაშვილი.
იხილეთ მიმოხილვა. ბმულზე:
