13 სექტემბერს, 12 საათზე საქართველოს ბიზნეს ასოციაციაში, Property Georgia-ს, FIABCI Georgia-ს ინიციატივითა და “საქართველოს ბანკის” მხარდაჭერით, გაიმართა მრგვალი მაგიდის ფორმატის შეხვედრა თემაზე „საქართველო, როგორც უძრავი ქონების და ტურიზმის ინდუსტრიის დესტინაცია.“ შეხვედრის მიზანი იყო, 15-16 ოქტომბერს დაანონსებული უძრავი ქონების და სასტუმრო ბიზნესის საერთაშორისო ყოველწლიური ფორუმის “მდგრადი და მედეგი ქალაქების მშენებლობის“ და მის ფარგლებში დაგეგმილი დაჯილდოვების ცერემონიის შესახებ პროფესიული, საერთაშორისო წრეების ინფორმირება და ცნობადობის ამაღლება.
შეხვედრას დაესწრნენ დიპლომატიური კორპუსის, მისიების ეკონომიკური ატაშეები, საერთაშორისო ასოციაციის წარმომადგენლები, FIABCI Georgia-ს დამფუძნებელი წევრები.