უძრავი ქონების საერთაშორისო კვირეული გადაიდო

უძრავი ქონების საერთაშორისო კვირეულის ორგანიზატორების გადაწყვეტილებით, მსოფლიოში  და საქართველოში COVID 19-ის ვირუსის გავრცელებით გამოწვეული ვითარებიდან გამომდინარე   ღონისძიება გადაიდო.

აღნიშნული გადაწყვეტილება ადგილობრივი და უცხოელი ვიზიტორების, საერთაშორისო ჟიურის წევრების და ადგილობრივი კომპანიის წარმომადგენლებისთვის ნებისმიერი შესაძლო რისკის თავიდან აცილების მიზნით მივიღეთ. ღონისძიების ახალი თარიღი მოგვიანებით გამოცხადდება.

აქვე გაცნობებთ, რომ FIABCI Georgia Prix d’Excellence - უძრავი ქონების პროექტების პირველი ნაციონალური დაჯილდოების ფარგლებში, ნომინანტების განაცხადების მიღება გახანგრძლივდა 2020 წლის  31 მაისამდე.

ღონისძიების ორგანიზატორი მხარეები სრულად ვიზიარებთ პასუხისმგებლობას და ვფიქრობთ, რომ ადამიანის ჯანმრთელობა და  უსაფრთხოება ნებისმიერ სხვა ღირებულებაზე მაღლა უნდა დავაყენოთ.

ბოდიშს გიხდით შექმნილი უხერხულობისთვის, ძალიან დიდი იმედი გვაქვს ასეთ მოცემულობაში თქვენი მხარდაჭერის!