„სითი ინსტიტუტი საქართველო“ ქ. ბათუმის გენერალური გეგმის დოკუმენტზე მუშაობის ყველა ეტაპზე არასამთავრობო სექტორსა და სამოქალაქო საზოგადოებასთან აქტიურ შეხვედრებს გამართავს.
3 სექტემბერს „სითი ინსტიტუტი საქართველოს" გუნდმა Zoom შეხვედრა გამართა აჭარის არასამთავრობო ორგანიზაციებთან, რომლებიც გაეცნენ „სითი ინსტიტუტი საქართველოს" გუნდის წევრებს, მათ პროფესიულ გამოცდილებას, ასევე ქ. ბათუმის გენერალური გეგმის დოკუმენტზე მუშაობის ეტაპების შესახებ მიიღეს ინფორმაცია.
როგორც „სითი ინსტიტუტი საქართველოს" დირექტორმა, მამუკა სალუქვაძემ, შეხვედრაზე აღნიშნა, ქ. ბათუმის გენერალურ გეგმაზე მუშაობის პროცესი იქნება ღია და გამჭვირვალე ნებისმიერი დაინტერესებული პირისა თუ ორგანიზაციისთვის.
შეხვედრა გაგრძელდა კითხვა-პასუხის რეჟიმში და მხარეები სამომავლო სამუშაო შეხვედრებზე შეთანხმდნენ.
