Property Georgia-ს და FIABCI-Georgia-ს თანაორგანიზებით, ,,ექსპო ჯორჯიას“ საგამოფენო ცენტრში 15-17 ოქტომბერს გამართულ სამშენებლო ღონისძიებაზე Caucasus Build 2121, 30-მდე წამყვანი ქართული დეველოპერული კომპანია შეხვდა საერთაშორისო ბროკერებს. სამშენებლო მასალებისა და ინტერიერის 25-ე საერთაშორისო გამოფენაზე Property Georgia და FIABCI-Georgia გახლდათ დეველოპერული სექტორის წარმდგენი. 20-მდე საბროკერო კომპანია სხვადასხვა ქვეყნებიდან (უკრაინა, ლიტვა, ლაიტვია, მოლდოვა, პოლონეთი, დუბაი) ,,ექსპო ჯორჯია“-მ ჩამოიყვანა ,,საქართველოს უძრავი ქონების ეროვნულ ასოციაციასთან“ ერთად, სპეციალურად გამოფენისთვის. დეველოპერებს შესაძლებლობა ჰქონდათ შეხვედროდნენ მათ b2b ფორმატში, როგორც ფიზიკურად, ასევე ონლაინ.
ექსპოჯორჯიას ორგანიზებით" წელს პირველად, მშენებლობის საერთაშორისო გამოფენა „Caucasus Build“-თან ერთად უძრავი ქონების საერთაშორისო ფორუმიც გაიმართა.
თითქმის 2-წლიანი პაუზის შემდეგ აღნიშნული ღონისძიება იყო პირველი ფართომასშტაბიანი შეხვედრა, სადაც სამშენებლო სექტორის და მასთან დაკავშირებული მომიჯნავე სფეროების წარმომადგენლები პირისპირ, ერთ ფიზიკურ სივრცეში შეიკრიბნენ.
Property Georgia-ს და FIABCI-Georgia-ს თანამშრომლობა ,ექსპო ჯორჯიას“ საგამოფენო ცენტრთან გრძელდება მასშტაბური ღონისძიებით. როგორც 15 ოქტომბრის შეხვედრაზე FIABCI-Georgia-ს პრეზიდენტმა, ლიკა ქარდავამ განაცხადა, 2022 წლის გაზაფხულზე გაიმართება უძრავი პროექტების პირველი ეროვნული დაჯილდოება FIABCI-Georgia Prix d’ Excellence Awards, უძრავი ქონების ოსკარები.