"თბილისი გარდენსის" ხელმძღვანელმა, თეიკო ლომინაძემ Property Georgia-სთან საუბრისას 2021 წელი შეაჯამა და სამომავლო გეგმებზე გვესაუბრა:
"თბილისი გარდენსისათვის 2021 ძალიან მნიშვნელოვანი და წარმატებული წელი იყო. ამ წლის შედეგებმა დააჩქარა კომპანიის სამომავლო გეგმები და ვფიქრობთ 2022 კიდევ უფრო წარმატებული და სიახლეებით სავსე იქნება."
შეგახსენებთ, რომ "თბილისი გარდენსის" შექმნის მთავარი იდეა არის ის რომ დატვირთულ ქალაქში შექმნილიყო ისეთი ადგილი, სადაც შეძლებდით სრულყოფილი ცხოვრებით ტკბობას. ამიტომ გადაწყდა, აგებულიყო თბილისის პირველი ცათამბჯენი მშენებლობის ნიუ-იორკული სტანდარტების დაცვითა და ჭეშმარიტად ამერიკული ინტერიერის დიზაინით.
დიზაინი გადამწყვეტ როლს თამაშობს მყუდრო გარემოს შექმნაში, ამიტომ თბილისი გარდენსის ბინების დაგეგმარება და დიზაინის კონცეფცია საუკეთესოებს ანდეს. ამერიკელი ინტერიერის დიზაინერი ვინსენტ ვულფი House Beautiful-მა ყველაზე გავლენიანი ამერიკელი დიზაინერების ათეულში შეიყვანა და Interior Design Magazine-მა მსოფლიოს ერთერთ საუკეთესო დიზაინერად დაასახელა.
პროექტის ავტორი ცნობილი ებრაული კომპანია MYS Architects-ია სწორედ მათთან ერთად დაგეგმა თბილისი გარდენსმა ცათამბჯენის რთული კონსტრუქციის ყველა დეტალი.
