Dreamland Oasis-ი 2014 წლიდან ქმნის სრულიად განსხვავებულ საცხოვრებელ და საინვესტიციო გარემოს საქართველოში. ეს არის ადგილი, რომელმაც პირველად დაამკვიდრა Wellness უძრავი ქონების კონცეფცია — სივრცე, სადაც ადამიანებს შეუძლიათ იცხოვრონ უფრო ჯანსაღად, მშვიდად და ბუნებასთან ჰარმონიაში.
2025 წელი აღინიშნა მნიშვნელოვანი სამშენებლო პროგრესით, მომსახურების სტანდარტების გაუმჯობესებით და სტრატეგიული ნაბიჯებით პროექტის გრძელვადიანი ხედვისკენ: გახდეს რეგიონის ეტალონი Wellness უძრავი ქონების მიმართულებით - აცხადებს ნინო ბუჟგულაშვილი, დრიმლენდ ოაზისის აღმასრულებელი დირექტორი უძრავი ქონების მიმართულებით.
ჩვენი ისტორია იწყება ზღვისპირა ტერიტორიით, რომელიც დროთა განმავლობაში გადაიქცა მრავალფუნქციურ, სრულად გამართული ინფრასტრუქტურის მქონე ეკოსისტემად: ტერიტორია, რომლის 70% გამწვანებას ეთმობა, დაცული გარემო, საკუთარი სანაპირო ზოლი, რესტორნები, აუზები, სპორტული და გასართობი ზონები და მალე საქართველოში ერთ-ერთი გამორჩეული სპა და ველნეს ცენტრი - ყველაფერი ერთ სივრცეში.
დღეს Dreamland Oasis არის ქართული უძრავი ქონების ბაზარზე ყველაზე მასშტაბური და სტაბილური ზღვისპირა საცხოვრებელი პროექტი, რომელიც აერთიანებს 900-ზე მეტ აპარტამენტის მფლობელს და სადაც უკვე ასობით ოჯახი ცხოვრობს მთელი წლის განმავლობაში.
2025 წელს Dreamland Oasis-მა წარმატებით დაასრულა 13-ე ბლოკის მშენებლობა. ბლოკის დროული ჩაბარება კიდევ ერთხელ ადასტურებს Dreamland Oasis-ის სანდოობას, მაღალი ხარისხის მშენებლობასა და ინვესტორებისთვის აღებული ვალდებულებების შესრულებას.
2025 წელი ასევე მნიშვნელოვანი იყო Dreamland Oasis-ის ბოლო 15-ე საცხოვრებელი ბლოკის მშენებლობის დაწყებით. მისი დასრულება დაგეგმილია 2029 წელს, რაც საცხოვრებელი აპარტამენტების განვითარების ფაზის საბოლოო ეტაპს წარმოადგენს.
2025 წელს Dreamland Oasis-მა გააგრძელა მუშაობა მასშტაბურ SPA & Wellness ცენტრზე, რომელიც გახდება პროექტის ერთ-ერთი მთავარი ღერძი და 2026 წლის ბოლოს პირველ სტუმრებს უმასპინძლებს.
ცენტრი კიდევ უფრო გაძლიერებს პროექტის სტატუსს, როგორც ნამდვილი Wellness დანიშნულების ადგილი და გააერთიანებს კლასიკურ სპა-სერვისებსა და თანამედროვე უელნეს ფორმატებს, თერაპიებს, თერმულ ზონებს, სილამაზის რიტუალებსა და აღდგენით პროცედურებს.
