teamtwo-სთვის 2025 წელი იყო პროფესიული წინსვლისა და ახალი შესაძლებლობების წელი. მიუხედავად ბაზარზე არსებული არაერთგვაროვანი ეკონომიკური პირობებისა, შევძელით სტაბილურობის შენარჩუნება, გუნდის გაზრდა, ოპტიმიზაცია და მიმდინარე პროექტების წარმატებით დასრულება.
აღსანიშნავია, რომ მიმდინარე წელს გამოიკვეთა ინდუსტრიული არქიტექტურის მიმართულების ზრდა, რაც ბაზარზე A კლასის სასაწყობო და ლოგისტიკურ სივრცეებზე მოთხოვნაში გამოიხატა. ამ სეგმენტში მიღებულმა გამოცდილებამ teamtwo-ს შესაძლებლობა მისცა გაემყარებინა სანდო პარტნიორის რეპუტაცია თანამედროვე, საერთაშორისო სტანდარტებზე დაფუძნებული ინდუსტრიული ინფრასტრუქტურის შექმნაში.
კომპანიის კომპეტენციას უკვე არსებულ LEED გამოცდილებასთან ერთად დაემატა კიდევ ერთი მნიშვნელოვანი მიღწევა - WELL AP აკრედიტაცია, რომელიც წარმოადგენს საერთაშორისო სტანდარტს ჯანმრთელი და კომფორტული გარემოს შექმნისთვის. აღნიშნული ცოდნა teamtwo-ს საშუალებას აძლევს პროექტებში უფრო მაღალი ხარისხის, გამართული და მაქსიმალურ კომფორტზე ორიენტირებული მიდგომები დანერგოს, რაც განაპირობებს შენობების მაღალ სტანდარტს და ზრდის მათ საბაზრო ღირებულებას.
2026 წლისთვის ჩვენი მიზანია ინდუსტრიული ფუნქციის პროექტირების მიმართულების კიდევ უფრო გაძლიერება, BIM პროცესების სრულად ავტომატიზება, საერთაშორისო პარტნიორებთან თანამშრომლობის გაფართოება და მდგრად მშენებლობაში მაღალი სტანდარტების დანერგვა.
FIABCI Georgia-ს წევრებისთვის teamtwo აცხადებს სპეციალურ შეთავაზებას — ინდუსტრიული და საოფისე შენობების არქიტექტურულ პროექტირებაზე 15% - 20%-იან ფასდაკლებას 2026 წლის პირველი ნახევრის განმავლობაში.
