მოსაზრება
მანანა უგულავა-პარტნიორი/Les Roches
ჩვენ ტურიზმის განვითარების ახალ ეტაპზე უნდა გადავიდეთ. ყველამ ერთად უნდა ვიზრუნოთ, რათა შევქმნათ ადამიანური კაპიტალი, რომელიც ძალიან მაღალი სტანდარტების მომსახურებას შესთავაზებს სტუმარს.
ყველა სირთულეში შეიძლება შესაძლებლობის დანახვა და სწორედ ასე უნდა მოვიქცეთ.
სიტყვა „კრიზისი“ ჩინურად დაწერისას ორი ასო ბგერისაგან შედგება. პირველი მათგანი წარმოადგენს საფრთხეს, ხოლო მეორე - შესაძლებლობას. ჯონ კენედი.
ჩვენ უნდა გავიზიაროთ მთელი რიგი ქვეყნების გამოცდილება. ისინი ადასტურებენ, რომ უნარები მჭიდროდაა დაკავშირებული ეკონომიკურ და სოციალურ შედეგებთან კონტექსტებისა და ინსტიტუტების ფართო სპექტრში. უნარ-ჩვევები უთანასწორობის აღმოფხვრისა და სოციალური მობილობის ხელშეწყობასაც კი უთანაბრდება. ადამიანურ კაპიტალში ინვესტირება არის ყველაზე ეფექტური გზა - არა მარტო მისი ზრდის ხელშეწყობისთვის, არამედ ზოგადად სარგებლის გაცილებით სამართლიანად გავრცელებისთვის.
დასახული მიზნის მისაღწევად საჭიროა, გაერთიანდეს კერძო სექტორი, რომელიც ძალიან დიდ რესურსს დებს ტურიზმის განვითარების საქმეში, სახელმწიფო ინსტიტუციები, რომელთაც კონსოლიდირებულად ძალიან ბევრი საჭირო ინიციატივა და გეგმა გააჟღერეს, და საგანმანათლებლო დაწესებულებები.
ჩვენც ჩვენს საერთაშორისო პარტნიორებთან ერთად მზად ვართ, აღნიშნული მიზნის მისაღწევად ყველაფერი გავაკეთოთ. ყველა ჩვენი პარტნიორი გამოთქვამს მზადყოფნას, ჩაერთოს პროცესში და დაგვეხმაროს, რათა სწრაფად გადავდგათ ნაბიჯები ხარისხის გასაუმჯობესებლად და, რაც ყველაზე მთავარია, ახალი ბაზრების აქტიურად ასათვისებლად.
დღეს ყველაზე მნიშვნელოვანი საკითხი ბაზრების დივერსიფიკიცაიაა.
2018 წელს 8,7 მილიონი ტურისტიდან რუსი ტურისტების რიცხვი 1,404,757 იყო, რაც საერთო რაოდენობის დაახლოებით 20%-ია.
სავარაუდებელია, რომ შესაძლოა დაახლოებით 10%-ით შეგვიმცირდეს მათი რაოდენობა, თუმცა ვფიქრობთ, ამ დანაკლის სხვა ბაზრებიდან შევავსებთ. ეს გარემოება მოგვცემს მეტ მოტივაციას, ვაკეთოთ ბევრად უკეთ ის, რასაც ვაკეთებდით.
მოცემული გარემოება მოგვცემს მეტ მოტივაციას, ვაკეთოთ ბევრად უკეთ ის, რასაც ვაკეთებდით და დაგვანახვებს, რომ ერთად დგომა, ერთად ბრძოლა და სისტემურად მოქმედება სასიცოცხლოდ მნიშვნელოვანია.
ერთ გარემოებასაც მინდა გავუსვა ხაზი. ჩვენ უნდა გავმიჯნოთ პილიტიკა ადამიანებისგან. ძალიან ბევრი რუსი მოქალაქის კომენტარი წავიკითხე თუ მოვისმინე. მათ საერთოდ არ მოსწონთ და გმობენ იმას, რაც ხდება. ამიტომ შეფასებებში ცოტა მეტი სიფრთხილე გვმართებს.
ერთად ყველაფერს შევძლებთ. გურამ დოჩანაშვილის სიტყვები მახსენდება:
,,სწორედ ესაა ადამიანისთვის ადამიანი… შენ მარტო იყავი, სუსტი და უმწეო და ამიტომ შეგეშინდა. შენთვის ღამე იყო. ხომ ღამე იყო ამ ორიოდე წუთის წინ, ახლა კი, ჩემთან რომ ხარ, ახლა ხომ დღეა? სწორედ ესაა ადამიანისთვის ადამიანი…
ადამიანი ადამიანისთვის დღეა…”
თითოეული მომენტი წარმოადგენს ორგანიზების შესაძლებლობას, თითოეული ადამიანი პოტენციურ აქტივისტს, თითოეული წუთი კი შანსს შეცვალო სამყარო.
მურმან ლებანიძის გენიალური ციტატით დავსრულებ:
ფეხზე დაგიდგები ჩემო საქართველო!
დიახ! ფეხზე უნდა დავუდგეთ ჩვენს არაჩვეულებრივ ქვეყანას და ყველაფერი უნდა გავაკეთოთ, რომ ის სამაგილითო სახელმწიფოდ ვაქციოთ, რაც ძალიან რეალური მგონია.