ციხისძირში, სასტუმრო “კასტელო მარე”-ში გამართულ პრეზენტაციაზე „ტერასა ჯგუფმა“ პარტნიორებს, სხვადასხვა კომპანიისა და მედიის წარმომადგენლებს პროექტის შესახებ დეტალური ინფორმაცია მიაწოდა. ღონისძიებას უძრავი ქონების პირველი ჰაბის Property Georgia- ს წარმომადგენლებიც ესწრებოდნენ.
„ტერასა ბათუმი“ 29 სართულიანი კომპლექსია და ჯამში, 525 აპარტამენტს მოიცავს. მისი ნაწილი სასტუმროს ტიპის იქნება, ნაწილი კი სხვადასხვა ობიექტს მოიცავს.
პროექტი ბარდება დასრულებული რემონტით, ავეჯითა და ტექნიკით, რაც ნიშნავს იმას, რომ ინვესტორებს დამატებითი ინვესტიციისთვის ზრუნვა არ მოუწევთ.მაღალი კლასის აპარტამენტები, საცურაო აუზი, სპორტდარბაზი, კაფე - ეს იმ ობიექტებისა და სერვისების არასრული ჩამონათვალია, რასაც „ტერასა ბათუმი“ ერთ კომპლექსში მოუყრის თავს.
კომპლექსის მშენებლობა უკვე დაიწყო და ზღვისპირა ქალაქ ბათუმში 2021 წლის აგვისტოში დასრულდება.
"ტერასაჯგუფი" 2015 წელს დაარსდა, 2017 წლის რებრენდინგის შედეგად კი სამშენებლო დეველოპერულ ბაზარზე თავი დაიმკვიდრა "ტერასა ჯგუფის" სახელით. კომპანიამ შეიმუშავა კონცეფცია, რომლითაც ყველა მის არსებულ და დაგეგმილ მშენებლობაზე, ზედა სართულის სრული სივრცე დაეთმობა დამატებით გამწვანების ზონას. მწვანე სახურავი მრავალფეროვანი მცენარეებით და გამწვანების შერწყმა არქიტექტურაში, მობინადრეებისთვის მრავალ ბენეფიტთან არის დაკავშირებული. აღსანიშნავია, რომ გასული 2 წლის მანძილზე "ტერასა ჯგუფმა" თბილისში 5 მშენებლობა დაასრულა, ექვსს კი ამ დროისთვის ახორციელებს.
