ყველას კარგად გვახსოვს, პანდემიის პერიოდში დაწესებულმა შეზღუდვებმა, თუ რა მასშტაბური მოთხოვნა გააჩინა ღია სივრცეებზე, ასევე სივრცეებზე, რომელიც დისტანციურად მომუშავე ადამიანების კომფორტულად მუშაობისთვის იყო საჭირო. თუმცა, ამასთან, ზოგადად დღევანდელი მსოფლიო ტენდენცია და მათ შორის საქართველოსიც არის ის, რომ მიმზიდველი გახდა სიმშვიდეში და ბუნებაში ცხოვრება - საცობების გარეშე, ჯანსაღ გარემოში და ამავდროულად დედაქალაქთან ახლოს, რამაც თავის მხრივ კერძო სახლებისა და მიწების მიმართ მზარდი ინტერესი გამოიწვია. მართლაც, ჯერ კიდევ გასულ წელს მშენებელთა ასოციაცია აცხადებდა, რომ კერძო სახლების მშენებლობაზე მოთხოვნა გასამმაგებული იყო. ეს ყველაფერი მიანიშნებს იმაზე, რომ მომხმარებელს შეეცვალა პრეფერენციები და დეველოპერებიც სწორედ ამ ახალ მოთხოვნებზე გადაეწყვნენ.
დღესდღეობით, ფასები დედაქალაქთან ახლოს მდებარე ნაკვეთებზე მზარდია. შეთავაზებებიც უფრო და უფრო ლიმიტირებული ხდება. ხშირ შემთხვევაში, კერძო სახლის ყიდვა და ინვესტიციის გაღება, უმეტესად კოლოსალურ ხარჯებთანაა დაკავშირებული, თუმცა გამონაკლისებიც არსებობს და ერთ-ერთი ასეთი პროექტია -"მგზავრების უბანი საგურამოში“, რომელიც დაინტერესებულ მომხარებელს აძლევს შანსს, ხელსაყრელი პირობებით, ფაქტობრივად ბინის ფასად, შეიძინოს კერძო სახლი, თბილისთან ახლოს და რაც მთავარია, გარდა ამ მომხიბვლელი შეთავაზებისა, პროექტის ყველაზე დიდი სიკეთე, გამორჩეული ინფრასტრუქტურაცაა.
უფრო დეტალურად, რომ გიამბოთ, ეს გახლავთ ელიტარული, დახურული კომპლექსის ტიპის ინფრასტრუქტურის მქონე უბანი, რომელიც 5 ჰექტარზეა განთავსებული. პროექტი აერთიანებს 2 აუზს (ბავშვებისთვის და უფროსებისთვის), ტენისის კორტებს, ფეხბურთის მოედანს, რეკრეაციულ ზონას, საბავშვო კუთხეს, მინიმარკეტს, კაფე-რესტორანსა და პარკინგის ზონებს.
"მგზავრების უბანი საგურამოში", გათვლილია მათზე ვინც ეძებს როგორც საცხოვრებელ, ასევე სააგარაკე სახლებს და ასევე მათთვისაც, ვინც ყიდულობს უძრავ ქონებას, ინვესტიციის მიზნით. კომპლექსის ინფრასტრუქტურა იძლევა იმის საშუალებას, რომ დაკმაყოფილდეს უძრავი ქონების შეძენით დაინტერესებული ნებისმიერი ტიპის მომხმარებელი.
გარდა გამორჩეული ინფრასტრუქტურისა, უნდა აღინიშნოს, რომ პროექტის მთავარი უპირატესობა, რაც ასევე გამოარჩევს მას, არის ხელმისაწვდომობა და გადახდის მოქნილი პირობები. ,,მგზავრების“ ახალ პროექტში კერძო სახლების ღირებულება საშუალოდ იგივეა, რაც თბილისის ნებისმიერი გარეუბნის იმავე ფართის ბინის ღირებულება. ეს ყოველივე იმის გათვალისწინებით, რომ მოჰყვება კერძო გამწვანებული ეზო, 2 საპარკინგე ადგილი და მილიონი დოლარის ღირებულების ინფრასტრუქტურა.
ამ ეტაპზე პროექტის ფარგლებში, კომუნიკაციები სრულად მიყვანილია და პირველი ეტაპის 20 სახლი უკვე შავი კარკასის მდგომარეობით არის აშენებული,
კომპანია „მგზავრების“ ძირითადი მიმართულებაა განავითარონ აქამდე დაუსახლებელი ადგილები, მაგალითად, როგორიც იყო 15 წლის წინ, „მგზავრების უბანი ბაკურიანში“, გონიოს ლოკაცია და სხვა. "მგზავრების უბანი საგურამოში" იგივე მიმართულების პროექტია, რაშიც ერთი მხრივ არის მისი დიდი სირთულეც - იქნება ეს ნაკვეთის და ზონის განვითარება, კომუნიკაციებით დაწყებული, კომპლექსთან მიმავალი გზით დამთავრებული - და მეორე მხრივ „მგზავრების“ მოტივაციის წყაროც, რომ ნულიდან დაწყებული პროექტი, უახლოეს მომავალში გახდეს ცენტრალური ადგილი და განხორციელებული მასშტაბური იდეა, მაგალითი, რომელსაც სხვებიც მიბაძავენ, რაც საბოლოო ჯამში ქვეყნის განვითარებას მოემსახურება.
